चंद्रभागेचे वाळवंट

चंद्रभागेचे वाळवंट


चंद्रभागेचे वाळवंट , दुसरे नकोच वैकुंठ
माधव भरला आकंठ , हासून नाचून !

मनात भरला विठोबा , मुखात भरला तुकोबा
हृदयी भरला ज्ञानोबा , हासून नाचून !

माझ्या खूप खूप आवडता अभंग आहे ! यावेळी अगदी चंद्रभागेवर जायची वेळ आली … मला वाटतंय कि मला अभंगच खूप आवडतो …

आजीला घेऊन पंढरपूर ला गेलो खरं , पण त्या पाण्यात … खर तर फारस पाणी नव्हतच नदीत … तरीही कित्येक लोक श्रद्धेने नदीत अंघोळ करत होते … ठिकठिकाणी विठ्ठल रखुमाई च्या मुर्त्या ठेवल्या होत्या आणि त्यासमोर उभ राहून लोकं फोटो काढत होती…कित्येक भंगलेल्या मुर्त्या त्या पाण्यात वाहून आल्या होत्या … कित्येक लोकांनी कपडे/केस वगैरे त्या पाण्यात अर्पण केले होते … बिचारी चंद्रभागा , तिला काय वाटत असेल …. अर्ध्या वाळवंटाचा तर "parking lot" बनवला होता … मला असा वाटतंय त्या नदीत अंघोळ करणं किंवा न करणं हा ज्याच्या त्याच्या श्रद्धेचा भाग … त्याबद्दल माझ मत काय हा विषय नाही …

मला खरं तर खूप वेगळ वाटत होतं … असा नाहीये कि पहिल्यांदा पंढरपूर ला गेले , पण दर वेळी मला असाच वाटत … tv वर आषाढी कार्तिकी ला पंढरपूर बघणं वेगळ आणि प्रत्यक्षात तिथला अनुभव घेणं खूप खूप वेगळ आहे …